نجي الآن للدرس الثاني
وكان عمل عمل حقيبة صغيرة بقماش الجينز المستهلك
كانت فكرة الدرس إنو نستغل بنطلونات الجنز بعد ما تقدم أو بعد ما يحدث فيها عيب
بحيث لا يمكننا التصدق فيه فنستغله في شيء مفيد
والدرس هذا كان للصف الخامس الإبتدائي
وهو غير موجود في الكتاب لكن المشرفة وافقت عليه
المهم نجي نشوف عينة من الدرس

وكانت الفكرة إننا نقص الجيوب من بنطلونات الجينز ونسوي فيها شنط بعد
ما نثبت عليها الشرائط وبعدين نزينها بالخرز والترتر والأزارير ..
أو إننا نفس القماش نقصه ونخيط أطرافه حتى نحصل على حقيبة صغيرة أو حافظة للنقود
طبعا أنا في الدرس قصيتلهم الجيوب من البيت وهم بس ثبتوا الشرائط بإستخدام غرزة التثبيت
وزينوا الحقيبة ..
كانت فكرة المقدمة :
جبتلهم بنطلون كان معدوم كبيت عليه كلوركس
قلتلهم يابنات وأنا بأغسل الملابس بالغلط أنكب الكلوركس على البنطلون
وني عارفة إيش أسوي فيه ومافي حل إلا إنه يترمي
يابنات هل يصح إننا نتدق فيه بدال مانرميه
وةضحت لهم إنو ما يصير نتصدق بشي معدوم نحن ما نلبسه وإنو لازم نتصدق بأفضل ما عندنا .
فصرت أسألهم إيش في طرق نقدر نستفيد من البنطلون من دون ما نرميه
وطبعا في الباداية ما عرفوا بس عرضت عليهم أنواع من الشنط والمقالم
بعدين صاروا يقولوا أفكار مرة حلوة
إلي أن وحدة قالت فكرة الشنطة قلتها هذه فكرة موضوع درسنا
مع بساطة المقدمة إلا إنو كان في تفاعل كبير من البنات
طبعا في دا الدرس عرضت عليهم نماذج كثيرة وأفكار أتعملت ببنطلونات الجينز
وحاولت قدر الإمكان إنها تكون أشياء حقيقية مو صور
المهم نرجع للدفتر حاولت في كل صفحة من صفحات الدفتر أحط عينات مختلف للدرس
حتى يكون شكله كله ..
وصراحة الدرس هذا تعبت فيه وكان درس الإختبار
والمشرفة مررررررررة عجبها الدرس
وكان هذا تعليقها

طبعا المشرفة إسمها إعتماد شحاده
كانت من أروع المشرفات إلي قابلتهم في حياتي
بجد كانت مشرفة رائعة بمعنى الكلمة ..
أسلوبها راقي جدا .. وتعاملها مع الطالبات أرقى ..
تأسس الطالبات تأسيس ممتاز ..
الصراحة مهما تكلمت عنها ما راح أوفيها حقها ..
فجزاها الله عنا خير الجزاء ..
بكدا نكون أنتهينا من قسم التفصيل
وننتقل إلى قسم التدبير
في الرد القادم
الرجاء عدم الرد لحين إكتمال الموضوع .
ملاحظة أرجوا من كل من تستفدي من أي فكرة من أفكاري
أن لا تنساني من دعوة صالحة في ظهر الغيب
كما أسمح بنشر الموضوع بشرط ذكر المصدر
وهو
http://rafeqat.spaces.live.com