ليش المنهج الجديد والماده مو اساسيه..؟

السلام عليكم

اولا بعض المدارس طبقت المنهج الجديد والبعض لا ..كل استاذه تحط دروس على كيفها


بنسبه لي انا قالت لي الموجهه اطبق المنهج الجديد للمتوسط والثانوي

لكن لاحظت ان منهج الثانوي مره طوييييييل وصعب عليهم وممل

خاصه ان مرحلة ثاني ثانوي ...يحتاجون لمنهج يفتح النفس وخفيف لانهم في التراكمي والمنهج طويل وممل

ومادة التربيه الفنيه واسعة المجالات ...

بالنسبه لي ..اختصرته لهم
وبالنسبه لدرس ثالث متوسط حق الخوص ما عطيتهم الدرس لاني حسيت انه مو ممتع لطالبات وقديم

فحابة اشوف ارائ اللي طبقو المنهج الجديد
وشكرا

السلام عليكم ورحمة الله

بالنسبة للمنهج الذي تتحدثين عنه أختي رهف:

هناك منهجان للتربية الفنية وكلاهما جديدان: الأول نزل لمدارس البنات من الصف الرابع وحتى الثاني الثانوي، والثاني للتجربة في مدارس محدودة في خمس مدن وهو تابع للمشروع الشامل لتطوير المناهج.

بالنسبة للأول: فهو قديم ومحفوظ في الأدراج ورغم أن اللجان التي درست صلاحيته قد أقرت أنه غير صالح لكن الوزارة رأت طباعته وتوزيعه بعد مقارنته بالمنهج القديم فبالطبع هو أفضل.
أما الثاني فهو تحت التجربة وخاضع لأسس علمية ويحتاج من يطبقه لدورة تدريبية ليلم بكافة جوانبه العلمية والفلسفية.

ما أقول غير الله يعينك لحين اعتماد المنهج الجديد

تحياتي

المنهج الجديد

والله انه ممل لي انا كمعلمه ومااااااتقبلته ابداااااا

فمابالكم للطااالبات

يعني صراااحه مافيه تشويق خاصة هالزخارف
والمدارس الفنيه (بالله كيف بنت بالثانوي داخله فنية من غير نفس تفهم السرياليه مثلااا
مااااادري لو يحطون المناهج (كاعمال تطبيقيه) واشغال خامات

هذا رائي انا لانه خلص الترم هذا ولااا شفت نتائج توسع الصدر!!!!!

قرأت العنوان وجذبني ولكن وجدت المضمون مختلف تماماً لكني مع العنوان ليش منهج جديد والمادة مو أساسية حتى واحد واثنين ما نحطها في الإبتدائي لأنه تقويم مستمر وماله حد أدنى في المهارات فافتقدت المادةأهميتها بالنسبة للطالبة ولا نجد اهتمام من أولياء الأمور قبل الطالبات لاتقولوا نرغب الطالبات رغبنا وما في فايدة ولا تقولوا شخصية المعلمة ولا . ولا ... وكيف أكلف الطالبة بخاماات من طين وصوف وفلين وجلد وغيرة وغيرة (وهذا فقط في المرحلة الإبتدائية) وهي في قرية والدخل محدود ومافي ميزانية تكفي ولو بوفر خامات ماتكفي للمدرسة كلها الثلاث المراحل علماً بأننا أستخدمنا البدائل لكنها مو فكل شيء تنفع ونحن مطالبين بتأدية المنهج كااااامل ومع هذا الجهد والتعب المادة ليست ذات أهمية للطالبة ما فيها نجاح ولا رسوب ونرجوا فتح باب الحوار في هذا الموضوع ونأسف للإطالة

الف شكر للي ردو على الموضوع

وبالنسبه لي توني خريجه جديده احبببب الفن

وكنت متحممممممممممسه تلعليم التربيه الفنيه

ولكن احبطت بقوووووووووه لمادرست هالمنهج وبمدرسه اهليه

كنت اتوقع ان للاستاذه ان تختار المواضيع ...وكنت اتمنى ان ادخل في حوار مع الطالبات ونتفق على شي هم راغبين يتعلمونه بطلب منهم

وعملت هالشي ببداية السنه وكنت مبسوووطه انا والطالبات ولكن بعد زيارة الموجهه واخباري انه يجب علي الالتزام بالمنهج الجديدفي الكتاب..لاحظة الاحباااااط والتكاسل بالنسبه لطالبااااااااات بشكل يممل الاستاذه حتى من الشرح

واتمنى ان تكون للماده نسبه لرسووب حتى يتعلم الطالبات الفن وبعد الممارسه تحب الطالبه الماده

السلام عليكم
وهل النجاح والرسوب هدف من أهداف التعليم ؟؟
أم وسيلة تقييم !!

عزيزي .. أرى أن هذه ميزة وليست سلبية
فلسنا في عصر (( نمسك الطالب من أذنيه وضرب ... وحزن .. )) علشان يهاب الدرس وينتبه للمعلم

نحن في عصر المعرفة

السلام عليكم ورحمة الله

عموما التعليقات هنا تدل على أن الحديث يخص منهج التربية الفنية للبنات كما ذكرت سابقا

ونحن نسمي منهج المشروع الشامل الذي هو قيد التجربة بالمنهج الجديد

للتنويه وعدم الخلط

شاكر ومقدر للجميع

عفوا مو قصدنا نمسك الطالبة باذنها ونضربها وهذا ما هو اسلوبنا لكن النجاح والرسوب يعطي هيبة للمادة فتاخذ نصيبها من الإهتمام مثل أي مادة ثانية لأن الطالبة صارت تقصر في المادة لهذا السبب وتقول بصررييح العبارة ( أبلة المادة ما فيها رسوب ) ونحاول نفهمهم ان النجاح والرسوب مو مهم المهم نتعلم اشياء جديدة.
وواضح من التعليق السابق اننا متعاطفين مع الطالبة وظروفها .
وشكرا للمداخلة ......

وبصراحه بصراحه بصرااحه

الطالبه ماتنلام اذا اهملت في الماده لان مافيها رسوب

يعني ماله داعي تهتم وهي عارفه بالاخير ناجحه يعني تخلي اهتماامها للماده اللي تقدر وجودها وغيابها