بسم الله الرحمن الرحيم
http://www.art4edu.com/vb/imgcache/5885.png
اليوم جبتلكم صور لدفتر تحضيري
لمواد الإقتصاد المنزلي والتربية الفنية
ويشمل على المواد التالية:
التفصيل ..
التدبير ..
التربية الفنية ..
كمان راح أديكم أفكار مبسطة عن كل درس
وإن شاء الله ينال على إعجابكم
غلاف الدفتر :.
http://www.art4edu.com/vb/imgcache/5886.png
من المهم جدا على معلة الإقتصاد المنزلي والتربية الفنية الإهتمام بمظهر دفتر التحضير
لأنها يعكس شخصيتها وذوقها العام
كمااااان معليش يعني لو معلمة الإقتصاد المنزلي والتربية الفنية ما أهتمت بدفترها قولي على الدنيا السلام
ههههههههههههه
لا بجد لأنو هذا تخصصا لازم تبدع فيه ودفترها راح يعكس مدى ما أستفادت من التعليم إلي بتتعلمه
المهم نجي
للغلاف
أنا هنا أعتمدت في الغلاف على إنه يكون مقسم 3 أقسام بحيث أدمج المواد الثلاث مع بعض
للدلالة على ما يحتوي الدفتر
لكن بعد فترة أكتشفت إنو دي الطريقة تقليدية
و
الإبداع إنك تسوي غلاف للدفتر يعبر عن محتو الدفتر بشكل غير مباشر
وهذا إلي سويتوا في دفتري التاني إن شاء الله نهاية الترم هذا
راح أنزله يكون نزلت تربية عملي وأعطيت دروس .
نجي الآن لأقسام الدفتر
حاولت إني أخلي الدفتر مقسم من الداخل بحيث يكون كل قسم
لحاله مو كل شي على بعض
لكن هذه المرة حاولت إنو يكون لكل قسم غلاف خاص فيه
أولا قسم التفصيل والخياطة :.
يعني مثلا قسم التفصيل كان هذا غلافه:
http://www.art4edu.com/vb/imgcache/5887.png
طيب نجي دحين للدروس إلي أعطيتها
كان عندي
درس غرزة الكفافة للصف السادس الإبتدائي
http://www.art4edu.com/vb/imgcache/5888.png
سويت هذه العينات ووزعتها على الطالبات يطبقوا الغرزة على طرف التنورة
كمان حلو مرة لما تحطي في دفترك نموذج من العمل
ولما يكون مجسم أحلى من لما يكون صورة
يكون أحلى بكتير مرة
وفكرة
المقدمة كانت في البداية نموذج لعروستين وحدة تنورتها منسلة
والتانية تنورتها مرتبة والبنات يستنتجوا أهمية الغرزة وفائدتها وكمان موضوع الدرس
بس طلعت الفكرة قديمة وكل البنات سوها
ففكرت في فكرة جديدة
أخدت بنات خالي وأختي وصورتهم فيديو
وكانت فكرة المقطع إنو بنات بيجروا ووحدة تتطيح لأنها دعست على طرف تنورتها الطويل
تقوم جدتها تقولها لازم تتني تنورتك ما يصير تسيبيها طويلة كدا
لأنو راح تتطيح وممكن تتنسل أطراف التنورة وتتشوه
وتسويلها الغرزة
ومن المقطع دا البنات راح يستنتجوا فائدة الغرزة
وأهميتها وكمان راح يستنتجوا موضوع الدرس
وفكرة المقدمة دي مرة عجبت البنات وأندمجوا معاها
لأني دخلت فيها كمان نوع من الفكاهة
وحتى الأستاذة
قالتلي فكرة غريبة محد سواها قبل كدا
وعجبها فكرة إني عرضتها ع اللاتوب ع البنات
طيب نرجع للدفتر
هنا حطيت خطوات تنفيذ الغرزة
وكلها مجسمة يعني جبت قماش وطبقت عليها الخطوات
صحيح تطفش خصوصا إنها صغيرة
لكن والله شكلها يطلع خرافي في الدفتر
وصدقيني راح يعجب المشرفة
http://www.art4edu.com/vb/imgcache/5889.png
وبكدا أكون خلصت من الدرس الأول
والدرس الثاني في الرد القادم
الرجاء عدم الرد لحين إكتمال الموضوع
http://www.art4edu.com/vb/imgcache/5890.png