طريقة عمل لوحة ريليف

السلام عليكم ورحمة الله وبركاتة
هذه اول مشاركة ليه في منتداي الجميل التربية الفنية
انا هعلمكم ازاي تعملوا لوحة ريليف بارز من غير ما تستخدموا انابيب الريليف الجاهزة اللي بالمكتبات المطلوب
قطعة زجاج اوخشب على حسب الرغبة مربعة اومستطيلة لاننا هنبروزها في الاخر
بودرة دهبي بتتباع عند بائعي مستلزمات الحدايد والبويات واسمها بودرة ايطالي دهبي
فلوت ايضا يباع بنفس المكان السابق
سبيداج
ورنيش شفاف
برونز بالالوان اللي تفضلوها
الوان زجاج /مش لازم الغالية



الطريقة
:m2::m2:
اولا بنخلط السبيداج والورنيش الشفاف بنسبة 3الى 1 لحد ما يبقى القوام اتقل من الطحينة شوية يعني متماسك عنها
ثانيا بنجيب الورق اللي بنلف بيه الهدايا اللي بيبقى عليه دباديب ورسومات او حت ى السادة مش مهم انا بس بعرفكم بيه ونقطعة مستطيلات حوالي15في 25 ونلف كل مستطيل بحيث نعمل منه قمع زي بتاع الكريم شانتيه بحيث كل قمع يكون اضيق من التاني يعني لو هنعمل قمع واسع نضيق التاني ونخليهم مختلفين ونلزقهم كويس جدا بالسوليتيب الشريط الاصق
ثالثا بجيب رسمة او كتابة قرانية من اي كتاب او لو كنت هصممها انا واكبرها على مكن التصوير بحيث تكون اصغر من حجم الزجاج او الخشب اللي هشتغل عليه واطبعها بحيث تتوسط الزجاج او الخشب من خلال طباعتها بالكربون
رابعا املئ القمع اللي عملته بالسبيداج المخلوط جيدا بالورنيش الشفاف وكاني بذوق ترته وامشي على الخطوط الخارجية او الرئيسية وطبعا وانا برسم بالقمع احاولاكون ماسكة القمع باليمين وبساعد بالشمال واكون شايفة الرسمة وانا بشتغل كويس
تنبيه/الرسم والزجاج على مسطح ونخلي بالنا علشان لو كم الملابس لمس المعجون هيبوظ الشغل
خامسا بعد رسم الخطوط الرئيسية بغير القمع واحاول ارسم بقمع اضيق التفاصيل الصغيرة وهكذا يعني ننوع يا فنانين
سادسا نترك العمل يجف ربع ساعة
سابعا نخلط البودرة الدهبي بالفلوت بحيث نكون لون دهبي سائل احنا ممكن نلون اللوحة بالفرش بس ده متوقف على استعمال فرش زيت ناعمة علشان ما تسيبش اثر للفرشة باللوحة بعد الجفاف والافضل اني ارش اللوحة بالخليط السابق باي طريقة زي اني اغمس فشة اسنان في اللون وامشي اصبعي على شعرها فتقوم برش اللوحة هي طريقة صعبة بس بتدي نتيجة حلوة وهكذا 4 طبقات حتى يختفي اللون الاساسي للزجاج او الخشب واللو ن الابيض للمعجون
ثامنا احضر الوان الزجاج وممكن اخففها بالنفط نقط بسيطة حتى لاتتحلل واملئ بيها انابيب النقط بتاعة الانف الفارغة واخلط ببعض الالوان البرونز
مثلا اعمل لون احمرفي انبوبه ولون احمر اخر مخلوط بالبرونز في انبوبة اخرى وهكذا مع جميع الالوان
ابدا بعد جفاف اللوحة من اللون الذهبي
اضع اللوحة عل مسطح ثابت
لبدا في التنقيط باللون في المساحات الداخلية
ولكن عندما انقط في المساحة انقط في وسط المساحة المراد تلوينهاوممكن اعمل اكتر من لون في مساحة واحدة مع مراعاة التناغم اللوني وماثرش على الشكل النهائي
ونترك العمل يجف
وفي المرة القادمة ساعطيكم عدة طرق لعمل البرواز
منهم طريقة ممكن تتطلعوا عليها في النتدى للعضوة ياسو شرحت كيفية عمل برواز من البوليستر وممكن تبدعوا يا فنانينوتعملوا براويز تتناسب مع عملكم الفني من حيث الوحدة والالوان
وبكده ما يتفرضش علينا براويز معينة تبوظ شكل عملنا الفني
الى اللقاء في المرات القادمة

ما اقدر اقول غير انك استاذ

:),تسلم أفكارك بجد رائعة وستكون أروع وأجمل اذا ترجم الشكل النهائي بصور معروضة للتخمين الصحيح للشكل النهائي للعمل الفني

طريقه مبتكره وياريت كانت مدعمه بصوره صغيره لكى نتفهم الفكره جيدا

يسلموا الأفكار و المعلومات
و نورتي المنتدى

مشكورamsrاخجلتني انت اللي استاذ بس انا بنت على فكرة
الف شكر بركسام كان نفسي انزل صورة بس للاسف ماعنديش صورة واوعدك هحاول
اوعدك amenaهحاول اوضح بصور بس للاسف انا مشغولة الفترة ديه ولكن قريبا هنزل صور ان شاء الله

مشورة ميسرة منور بيكي المنتدى والمنتديات اللي حولينا

نونينونه
كل التحيـــــــة والشكــــــــــــــــــــ ــــــــــــــر لفكرة المعجون
لكن أنا أضع مع نفس الخلطة غراء أبيض بدلا من الورنيش
أكرر لكم شكرى
والله يحفظكـــم

مشكور حسن فعلا الغراء يساعد على التماسك
ايوة كدة تفاعل جميل

الله يعطيك العافية يمكن ترفق بالصور للفهم أكثر وشكرا

ام بهية اشكرك على مرورك وساحاول لاحقا وضع صور
ولكن عندما تجربي سوف تجين نتائج جميلة الموضوع سهل تنفيذه
وانا تحت امركم في اي سؤال

http://www.art4edu.com/vb/imgcache/6935.png

مشكور فائز على مرورك

شكرا
ويمكن نضيف بودرة تلك اطفال مع جلسرين
بس ما هو الفلوت والله نسيته؟

شكرا محمد عاطف عالمشاركة هجربها واقولك
الفلوت هوزي الورنيش الشفاف بيتباع عند محلات الحدايد والبويات بيبقى شكله زي عسل النحل وبيتباع في علب نصف وربع كيلو