عرض للطباعة
بسم الله الرحمن الرحيم
السلام عليكم ورحمة الله وبركاتة
إلى كل معلمة للتربية الفنية الصفوف العليا ، وكل ذي خبرة في المناهج الجديدة.
تكتب رأيها في المنهج بكل صراحة وماهي الصعوبات التي واجهتها أثناء تدريسها ومقترحاتها للوزارة للتحسين من المنهج في السنوات القادمة .
السلام عليكم
بالنسبة لتقويم المنهج الجديد ،،، هناك لجنة مشكلة من قبل كل مدرسة تطبق المناهج الجديدة وهي شاملة لجميع المراحل الدراسية
كما أن التجربة لا زالت قائمة وحتى نهاية العام القادم
والمسألة علمية ، ومحكمة من قبل خبراء
وفي حالة الرغبة برفع مقترحات أو مرئيات فترسل إلى المشرف أو المشرفة المباشرة المسؤولة عن تجربة التطبيق
:)
تحياتي للجميع ،
شيء جميل جدا
وهذا هو المأمول من الأخوات والأخوان المعلمات والمعلمين المطبقين للمنهج الجديد
فالغرض حاليا من التجريب هو الإستفادة من التغذية الراجعى عن الميدان والأخذ بآراء الخبراء عمليا
شكرا للجميع
ياترى ...؟! يااهل ترى؟! :sarcastic:
ماهو المنهج الجديد الذي يتحدث عنه الجميع بهذا التحفظ ؟!!
هل يوجد به مفاجات اخرى في انتظارنا ؟!:)
فلننتظر رأي الخبراء! ... وخروج النتيجة من (حقول التجارب ) ومعامل الاختبار..
ما نقول الا الله يستر ..
السلام عليكم ورحمة الله وبركاتة
إلى كل معلمة للتربية الفنية الصفوف العليا ، وكل ذي خبرة في المناهج الجديدة.
بصراحة انة مكلف جدى وتقريبا اغلب المنالشغال واعمال فنية وطبعا اذا كان الوحد في منطقة نائية كيف يوفر الخامات لهذا المنهج
مرحبا بك أختي القلب المضيء
لو تسمحي تشرحي أكثر عن ملاحظاتك فهي مهمة بالنسبة لي فقد يمكن فتح نقاش في هذه الجزئية
أشكرك
والله فكرة ممتازة الله يعيننا
منهج التربيه الفنيه اكثر من رائع
من رآي أن المعلمه تحاول أخد في عين الاعتبار
ظروف الطالبات الماديه وتنفيذ العمل بطريقه بسيطه وجميله.
انا في الاول بصراحه انصدمت لما شفت المنهج مع اني تخصص تربيه فنيه المنهج جميل لكن فيه اشياء انا اتكلم من وجهة نظري اشوف انها ماتتناسب مع ميزانية الطالبات وفيه دروس مالقيت فيها تفاعل من الطالبات منهج الصف الثاني ثانوي يهون عند منهج اولى كله في كفه والفن الاغريقي في كفه وغير بعض الدروس الي مطلوب فيها خامات وطلبات لسه ماوصلنا لها انا اتمنى يكون فيه تغير وللافضل عشان الطالبه تستفيد اكثر من بعض دروس مالها داعي
في المناطق النائيه فيه صعوبه في توفير الخامات من قبل الطالبات واوفرها لهم بس احيان كثير ميزانيه الماده ماتخدم واحيان استخدم خامات بديله بس توصل للنتيجه الصعب علي الدروس اللي فيها الطينه وبطانتها فهي ماتناسب الابتدائي بقد ماناسبت بنات الثانوي العام الماضي وكان فيها بعد ابداع........بعض الدروس تحتاج تدريب للمعلم مثل النسيج والصهر
وغيرها اتمنى يكون فيه دورات معتمده لتأهيل المعلم وتجهيز غرفه الفني كما المعامل....هدا رأيي
بالنسبه للمنهج الثانوي صرااااااااااااحة احباط
لاااا يوجد فيه اي تفاعل من الطالبات صراحة لو ماتغير كان احسن
استثني فقط الطباااعة على الحرير حلو وممتع للطلبات والا الباقي
جاااامد وخاصة الزخارف
اللحين بالكليه نأخذ الزخارف ترم كامل وهنا تبغون الطالبه تنفذ وحدة زخرفيه خلال اسبوعين ؟؟؟؟؟؟؟؟
صراحة كلفتني مراجع للزخرفة لي انا بس تقريبااا 500 ريال علشان بس اشوق البنات للزخارف وعند التنفيذ تختارلي اصغر وحدة واسهل شي علشان ماتكلف نفسها
هذا بعد ماجينا للمدارس الفنيه اللي كلما قعدت اتصفح الكتاب يجين الصياح بالله كيف تبون طالبه بالعمر ترسم على اسلوب السريياليه والا التأثيريه اصلا كيف بتقارن بينهن
صراحه لو ابنقد المنهج من اليوم لبكرااا مااااأخلص
احب انوه ان مرحلة الثانوي مقسمه الى ثلاث هوايات تدبير وتفصيل وفنيه تختار الطالبه هوايتها وطبعا الجميع يختار التدبير لانه الاسهل ولا فيه شغل ولانلقي ولا وحدة تدخل فنيه لذللك نظطر للقرعة علشان احد يدخل فنيه .(يعني المفروض مراعاة النقطة هذي عند وضع منهج الثاني خاااصة)
ادري طولت بس تحملوني
تقبلوا نقدي بصدر رحب
بصراحة المنهج مضغوط على الطالبة أكثر من اللازم
عندك مثلا المدارس الفنية .....كثير على الطالبة تنفيذ ثلاث لوحات خلال ستة أسابيع يعني كل لوحة في أسبوعين
يعني خلال لقاءين تسلم لوحة مع مراعاة إن الألوان زيتية وتحتاج وقت لتجف لتكمل مرحلة أخرى للتلوين متى ؟
متى نجد الوقت لنبدي الملاحظات على اللوحة لتعدلها الطالبة إذا كنا سنبدأ في الدرس الجديد ؟
إذا كان هناك ملاحظات على اللوحة هل تكملها الطالبة أم تبدأ في اللوحة الجدية وتترك السابقة .....هل الغرض الكم أم الكيف
أما الإيتان فهو غااااالي ومو أي طالبة تقدر تجيبه
ألوان الزجاج والحرير ومحدداتها مكلفة أيضا على الطالبات وما لها خامات بديلة
تضطر الطالبة أن تختار الاقتصاد المنزلي هربا من كثرة الأعمال و الطلبات والمصاريف
( يسروا ولا تعسروا بشروا ولا تنفروا )
الله يعيييييين
انا ايضا ادرس متوسط وفي منطقة في الرياض اغلبهم تحت مستى خط الفقر حتى الملابس الشتوية ماتتوفر لهم-ولافيه مشرفة اجتماعية والبنات يتحرجون مايقولو مانقدرمع اني اخليهم مجموعات-والميزانية وش بتكفي -ومافية غرفة فنية مبنى مستاجر-ومطالبة بانتاج وفي الاخير يرمون الانتاج ولادبري نفسك-وفي داخل كل طالبة ليش ندرس هالمادة ولافيها اصلا حد ادنى-يعني يايحبونك عشان كذا يتفاعلون معك ولا تلاحقينهم عشان يخلصون-بس لاهيبة ولاشي لاعند الادارة ولاباقي المعلمات ولا الطالبات
السلام غليكم ورحمة الله وبركاته
اخواتي المعلمات المنهج فاشل بجميع المقايس ولي تقول حلوناجح بصراحة معرف ايش اقول
المنهج مضغوط والمدارس تعطى المدرسة على الاقل في ترم والمدرسة السرياليه لمتصل الطالبة اوالمعلمه ليها لانها ترسم من العقل الباطن واللاوعي والتأثيرية من خلال الخروج الىالطبيعة والرسم خلال اوقات مختلفه من النهار والتكعيبية تحتاج ترم كيف ترسم الطالبة ثم تحولها الى تكعيبي وهي تحتاج ترم يا اخواتي الميزانيه قليله متكفي نطبق المنهج ونعد وسائل ونوفر لاطالبه المحتاجه او الطالبة الى متحضر الادوات اخواتي احنى لازم نكون صادقين مع النفسنا ومع المشرفات والمناقشة الجاده مع المشرفه المنهج فاشل قولوها بصراحه بلاش مجامله على احساب الطالبة وخصوصا الاهالي يشتكو من الطالبات وانا وحدة منهم بناتي في المتوسط والابتدائ كل اسبوع وحن في المكتبة طلبات ارحمو الطالبات والاهالي واعلموا ان كل ولي امر عنده اولاد وبنات غير الي تدرس عندك وفكري في بنات الناس زي بنتك تعرفي ان الله رحم من في الارض بتراحمهم فرحموا الطالبات وقولو قول الحق المنهج غير ناجح انت بتخفو من مين البنت توصل عندنا الثانوي تدخول تدبير علشان كثر الطلبات في المتوسط وناقشن الاهالي جاوبت ام طالبة ان عنده ثلاثبنات في الجامعه طب واقتصاد وبنات في الثانوي والمتوسط ومعندها امكانيات تشتر الطلبات الخاصه في الفني لا تقولو الميزاني المساعده المسؤله عن الميزانيه من اول فاتوره تقول مفيه فلوس للفني لا تجيبي فوتير احنى حنصرف على المادة من افلوسنا الى متى ................ بسبب السكوت على المناهج وكثر الطلبات في المنهج الجديد ومفي مثل الخطه المتصله توفر وتخرج اشي حلوه من ابداع الطالبة وتصميمها .......................
ياحليلكم نسيتو معاناتنا مع تحضير مادة الفنية ووسائلها الكثيره هذا بحد ذاته مشكله إلى متى كذا مناهج تتغير سنوية وتحاضير تكتبها سنوية هذا حال الله المستعان ماحد داري كلما فضوا ماعندهم شي قالو معلمة الفنية ماعندها شي فاضية مايدرون ،تكفون فكروا في حالنا لاوظائف زي الناس ولامناهج ولاتحضيرات نحصلها بسهولة....
الصراحه كلام الاخوات كله صحيح وان المنهج غير مناس لطالبات الثانوي احس ان فيه ظلم للطالبات لان الطالبات كلهن يتم اختيارهن بالقرعه وليس باختيارهن هذ ا طبعا للطالبات الاتي ليس لديهن واسطه اما الطالبه التي لديها واسطه فانها يتم تحويلها للقسم التي تختاره والاسهل لها اليس في ذلك ظلم واغلب الطالبات هذه السنه وعلى هذا المنهج الجديد تم تحويلهم الي قسم التدبيربقدرت قادر وبحكم القوي فارجو اعادت النظر للمنهج الجديد او تقليل ادروس وتبسيطها بشكل احسن وشكرا جزيلا واعتذر ان كنت طولت
المنهج يعتبر جيد ولكن فى حاله ان تكون المعلمه حره فى تنفيذ بعض المواضيع من خلال رؤيتها وايضا ان تعطى البدائل المناسبه للطالبات فهى الادرى بمقدره الاهل الماديه والادرى بمستوى الطالبات وايضا احيانا الضغط من ناحيه العدد ففى الثانوى اذا حصل عجز فى احد اقسام الاقتصاد واجبرت المعلمه على ضم العدد لها اقول يصبح المنهج الجديد اداه تعذيب للمعلمه وتهبيط للهمه الفنيه لديها لذا يا حبذا لو تعطى المعلمه المضغوطه الحريه كما فى السابق ووششكرا
تحية طيبة للجميع و اشكركم على مشاركاتكم و اراءكم التي رفعت من معنوياتي التي احبطت عند تدريس المنهج للتربية الفنية ، و اتمنى ان يكون المنهج بسيط و ممتع و يثري الطالبة فنيا و يكسبها مهارة .
و بصراحة رايي في منهج الثانوي صعب جدا و فوق مستوى الطالبة الفكري و العملي و يمتاز بالملل و التكرار و خاصة موضوع الزخارف و فن العمارة ، لاحظت ان الطالبات غير متحمسات و انتقاد موضوع الدرس باستمرار مما زاد من احباطي من المنهج المقرر .
ام الاساليب الفنية فهو مشكلة بحد ذاتها ، كيف لي ان اطلب من الطالبة ان ترسم لوحة زيتية خلال اسبوعين بأحد الاساليب الفنية . و هي لا تفرق بين الاسلوب و الاخر لصعوبة فهم الموضوع ( بيكاسو ) كان يرسم لوحته بالاسابيع و الاشهر لين تخلص .
اما السيريالية فحدث بلا حرج و الاغريقي ما خلى شي و الزخرفة دخلت معهم على الخط ، الطالبة ترسم ماذن و فباب و ابواب و قصور و زخارف . وصارت الطالبة تندب حظها انها دخلت فنية ( يا ابلة ابي احول تدبير ممكن ) و يا استاذة غيري المنهج و اعطينا شي من عندك نرسمه هذا كله كوم و الخامات كوم ثاني ( يبيلها ميزانية و الخامة غير متوفرة و اذا توفرت قيمتها مكلفة
و سامحونا
شكلكم تتكلمون عن منهج البنات.....
أما المنهج المطور حاليا والذي يطبق في خمس مناطق فيختلف نهائيااااااااااااااا!!!!
منهج التربيه تطور بشكل رائع وملائم لجميع اوضاع الحالات الاجتماعيه والاقتصاديه للطالبات
وتنفيذ الدرورس بطريقه سهله وسلسه.
متعب منهج الفنية من ناحية التحاضير والوسائل التعليمية إلى متى هذا الوضع المؤزم؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
بالعكس انا اشوفه كويس مو معقول الطالبه تتخرج ولا تعرف وش المدرارس الفنيه ولا تفرق بين السرياليه والتكعيبيه وبالالوان الزيت المعلمه مو مجبره بنوعيه الوان انا اعطيهم اكرليك ومومعقول نطالب منهم يرسمون التاثيري مثل مونيه والسريالي مثل دالي هي معلومات عامه يعرفوها ويجربوها ويعرفو الفرق بيننا وبينهم هذا بالنسبه للرسم
بالنسبه للاسغال اولها الايتان اطلبي منهم قصدير او معدن الضغط كبديل
وبعدين المنهج مرن ومعطيك الحريه في تغيير الخامه واختيار الدروس من الكتاب ومن شدد شدد الله عليه
انتو حسيتو ان المنهج مو حلو لانه متعب للمعلمه شوي يحتاج شوية ثقافه ومعلومات مو زي اول اي اشغال على الماشي يسووها ونحطها في المعرض وبس
لا الدنيا تتطور ولازم عقول البنات تتطور عشان كمان نرفع الذائقة الفنية للمجتمع
وبالنسبه للي يدرسونه ومايحبونه من منا كل المواد الي درستها تحبها هذا احنا مانحب الرياضيات ودرسناه ولا نحترم الجغرافيا ودرسناه وش المشكله فيه ناس تدخل قسم في الجامعه ماتحبه ولا تتخرج وتتوضف في نفس التخصص ولا ضرها
واتمنى تتقبلو رايي بصدر رحب
اشكركم
تصدقي كلامك صحححاقتباس:
المشاركة الأصلية كتبت بواسطة ريشة بنان
توني انتبه ههههه
وأنا اقول وش هالهجوووم
والاخوات يقولن كل ما فضوا طلعوا لنا بمنهج مع أن هذا أول منهج ينزل من طلعت الوزارة على وجه الدنيا :)
اقتباس:
المشاركة الأصلية كتبت بواسطة ريشة بنان
إذا كان كذا فما له داعي منهج لأي مادةاقتباس:
المشاركة الأصلية كتبت بواسطة ابيض بلا اسود
لان المعلم أو المعلمه عندها خبرة التأليف وعندها مقدرة صياغة منهج لطالباتها !!
مادري حتى المواد الثانيه تلغى مناهجها والا بس الفنية ؟؟
أعتقد أن المنهج علاج كبير للعشوائيه اللي جالسين نعمل فيها
الطالب ينتقل من مرحله لمرحله ولا حصل معلومه أو مفهوم مثل ما يحصله في المواد الثانيه
من حقه دام درس هالماده أنه يخرج بنتيجه من هالدراسه !!
معلمات تربيه فنيه ارجوالمساعد انا اول مره اتدريس ابغى تحضير وتوزيع المنهج الله يجزكم باخيرويفرج عليكم كل كرب الدنيا والاخر