جميع مقالات المدونة

تدخل أبلة شكوى حجرة التربية الفنية وهى فى حالة غضب شديد متوجهة الى أبلة حقنة زميلتها وهى تحاول أن تمسك أعصابها وتكلمها بكل هدوء

- يا أستاذة حقنة احنا مش كنا اتفقنا على الجدول قبل ما يحطه أستاذ ملتزم ؟.....ايه بقه اللى حصل وغير الجدول بالشكل المهبب ده؟.... ده أنا كده كل الحصص الأخيرة عندى....ده غير الاحتياطى ...وغير النشاط الفنى اللى أنا شايلاه لوحدى ...والمعرض ...

المشاركة الأصلية كتبت بواسطة love treas

شــــــــــــــــــــــــ ــــــــكره لمجهـــــــــــــــــــــ ــــــودك

اليوم الاول فى العام الدراسى الجديد الساعة 7:30 صباحا ... كل شىء متلمع ..المدرسة زى الفل ...... طبعا نتيجة لوجود عجز عمال بالمدارس قام المعلمين مشكورين بتنظيف المدرسة ليس اجبارا من مدير المدرسة وانما لحبهم الشديد للمدرسة وكأنهم يشعرون أنهم فى بيوتهم – والطلبة كمان زى القشطة – أول يوم بس – والآن أستاذ غضبو واقف على باب المدرسة ايده ورا ظهره بوجهه ( البشوش ) يستقبل به الطلبة والمدرسين من أجل تحيتهم بابتسامة ظريفة
ويقف الى جانبه أستاذ مسرور السياف ( وكيل ) معه دفتر الحضور ...

- اصطبحنا واصبح الملك لله

- مالك يا أبلة شكوى ؟ ايه اللى مضايقك على الصبح ؟

- المواصلات كالعادة يا أبلة متهنية ( وكيلة ) ... المترو زحمة ...الميكروباص زحمة ... حتى الرصيف زحمة ...ايه الخنقة اللى احنا فيها دى ؟

- ياستى ما انا قولت لك تركبى معايا الصبح عربية الشغل بتاعة محروس جوزى ونعدى عليكى ناخدك فى سكتنا وانتى اللى مرضيتيش

- يا ابلة متهنية ما أنا قولت لك أنا ماأقدرش أنزل من البيت بدرى قوى كده قبل ...

- السلام عليكم يا استاذ مغلوب ... اتفضل يا سيدى جدول حصصك فى السريع ... قولى من الحق انت محضرتش الاجتماع امبارح اللى كان عامله أستاذ غضبو (مدير المدرسة ) ليه ؟ ده قفل الدفتر على الناس اللى محضرتش

- وعليكم السلام يا أستاذ ملتزم ....كان والدى تعبان شوية واتصل بى على الموبايل مقدرتش أقعد للاجتماع ... وبعدين هو يعنى فيه جديد فى الكلام ماهو هو الكلام اللى بنسمعه كل سنة .. الدفاتر .. التحضير ... الاشراف ... وبعدين ما هو زميلى الأستاذ مكبر كان موجود ... ولا ماحضرش هو كمان؟ ...