noodah
17-11-2006, 01:38
بسم الله الرحمن الرحيم
السلام عليكم ورحمة الله وبركاتة
اقدم لكم اليوم احدى ابتكاراتي في تصميم علب الهدايا
انا كان ودي اقدم لكم هذة الفكرة في رمضان بس للاسف ما قدرت انشالله تستفيدون منها حق رمضان القادم او اي مناسبة اخرى
انا كان ودي اقدم شي مختلف ويكون من تصميمي فجبت علبة من الالمونيوم وغطيتها بالشبك الي من القش ولفيتا حول العلبة وبعدين حددت الاطراف بظفيرة من سعف النخل هذا كان على اجناب العلبة
وسطح العلبة جبت خامات السدو طبعا الجاهز مو اليدوي ولصقتة على السطح وهم حددت اطراف السدو بظفيرة السعف
وقمت على عمل فيونكات من الشريط الي يتناسب مع الهلال الي بالمنتصف ولون السدووكان اختياري اللون العنابي
وايضا استخدمت الكرستال اللي جمب الهلال عشلن يعطية رونق
وحطيت بعض من الورود الغريبة من النحاس تحت الهلال عشان يغطي على اطراف الفيونكات
وبعدين لصقت الولد الي قاعدعلى الهلال والدله والسراج والصندوق المبيت والمسباح شبكتة مع الفيونكات على سطح العلبة عشان يمليها ويعطيها الشكل التراثي القديم واللي يتناسب مع تراثنا وفكرة القرقيغان
وطبعا لازم اقدم شي مختلف حق امي وام زوجي فسويت صينية غطيتها بالسدو وزينتها بنفس الهلال مال العلبة وقدمت معاهم 3 صناديق داخلهم دهن عود وبخور وايضا قمت على تزين العلب الصغيرة بالشرايط والنجوم عشان يتناسق مع العلبة
واخيرا حطيت صور اولادي على جنبي العلبة
اتمنى ان الفكرة تعجبكم وتستفيدون منها حق اي مناسبة جميلة مثل العيد او رمضان
والي يحب اي مياعدة في تصميم عبي الهدايا انا حاضرة
السلام عليكم ورحمة الله وبركاتة
اقدم لكم اليوم احدى ابتكاراتي في تصميم علب الهدايا
انا كان ودي اقدم لكم هذة الفكرة في رمضان بس للاسف ما قدرت انشالله تستفيدون منها حق رمضان القادم او اي مناسبة اخرى
انا كان ودي اقدم شي مختلف ويكون من تصميمي فجبت علبة من الالمونيوم وغطيتها بالشبك الي من القش ولفيتا حول العلبة وبعدين حددت الاطراف بظفيرة من سعف النخل هذا كان على اجناب العلبة
وسطح العلبة جبت خامات السدو طبعا الجاهز مو اليدوي ولصقتة على السطح وهم حددت اطراف السدو بظفيرة السعف
وقمت على عمل فيونكات من الشريط الي يتناسب مع الهلال الي بالمنتصف ولون السدووكان اختياري اللون العنابي
وايضا استخدمت الكرستال اللي جمب الهلال عشلن يعطية رونق
وحطيت بعض من الورود الغريبة من النحاس تحت الهلال عشان يغطي على اطراف الفيونكات
وبعدين لصقت الولد الي قاعدعلى الهلال والدله والسراج والصندوق المبيت والمسباح شبكتة مع الفيونكات على سطح العلبة عشان يمليها ويعطيها الشكل التراثي القديم واللي يتناسب مع تراثنا وفكرة القرقيغان
وطبعا لازم اقدم شي مختلف حق امي وام زوجي فسويت صينية غطيتها بالسدو وزينتها بنفس الهلال مال العلبة وقدمت معاهم 3 صناديق داخلهم دهن عود وبخور وايضا قمت على تزين العلب الصغيرة بالشرايط والنجوم عشان يتناسق مع العلبة
واخيرا حطيت صور اولادي على جنبي العلبة
اتمنى ان الفكرة تعجبكم وتستفيدون منها حق اي مناسبة جميلة مثل العيد او رمضان
والي يحب اي مياعدة في تصميم عبي الهدايا انا حاضرة